Rapporten presenterer ei kartlegging av bustadmarknaden i kommunane Høyanger, Balestrand, Leikanger, Sogndal, Luster, Årdal, Lærdal, Aurland og Vik. I tillegg til å skildre bustadmarknaden i desse kommunane, gir rapporten ei oversikt over deira arbeid med bustadplanlegging. Sogn regionråd har særleg vore oppteken av kor vidt bustadtilgangen er til hinder for næringsutvikling, sysselsettingsauke og befolkningsvekst i regionen, og å få oversikt over dei tiltaka kommunane gjer på dette området. Rapporten omfattar også forslag til tiltak som kommunane eller regionrådet kan iverksette for å betre regionens bustadmarknad.
