Denne rapporten presenterer resultata frå evalueringa av prosjektet "Explore Fjord Norway", som er gjennomført på oppdrag frå fylkeskommunane i dei fire vestlandsfylka.
Prosjektet "Explore Fjord Norway" er eit verkemiddel for å fremje reiselivsproduktet Fjord Norge. Prosjektet vart starta opp i 2011 og skal avsluttast i 2014. Evalueringa gir ei vurdering av mål, tiltak, effektar og kostnader i "Explore Fjord Norway" frå prosjektstart og fram til i dag. Oppdraget omfattar også ei vurdering av utsiktene framover. Det inneber mellom anna ei evaluering av korleis situasjonen ville vore for reiselivet på Vestlandet utan forsterka innsats gjennom "Explore Fjord Norway".